Kamusta ka na kaya?

Anim na buwan na ang nakaraan noong huli tayong nagkita.
Di ko akalain na pagkatapos ng mahabang panahon ika'y aking maaalala.
Kamusta ka na? Kamusta na rin sya?
Dalangin ko ang patnubayan kayo ng Poong May Kapal.

Alam mo ba, kanina lang, binuksan ko ang huling sulat na iyong pinadala bago ka lumisan.
Liham ng pamamaalam at paghingi ng kapatawaran.
Liham ng isang kaibigang patuloy pa ring nasasaktan.
Ngunit kahit ganon ang iyong liham, alam kong kahit papaano ika’y lumaban.

Gusto ko sanang ikaw ay aking sulatan.
Ngunit mas minabuti kong huwag na lamang.
Iyon ay dahil sa mga huling salitang aking binitawan,
Alam kong kahit papaano ika’y aking nasaktan.

Bakit ba kasi di pa ko nasanay,
Sa ugali mong di ko maintindihan.
Kaya ngayon tuloy di man lang kita matawagan.
Nang sa ganon ika'y aking makamusta man lamang.

Sana nababasa mo ang sulatin kong ito sayo.
Sana naaalala mo ang mga salitang pinangako ko.
Nandito pa rin ako, isang kaibigan mo.
Isang kaibigan mong handa paring tumulong sayo.