PIKON ni Bb. GMDV

Ang PIKON na inilathala ni Bb. GMDV ay mababasa dito.

Ito ay tungkol sa pangyayaring naganap na sa kanya na di nya malaman kung bakit sya apektado.

Marahil, “napikon” din sya sa pangyayaring yon o sadyang narealize lang nya na malakas na syang makapikon.

Tinanong din nya sa paksang iyon kung ano ano ang mga senyales ng pagiging pikon, ngunit di lahat ng senyales na inihain ni Bb. GMDV ay sadyang di mo malaman kung ayun na nga ang mga tamang senyales ng pagiging pikon.

Gaya ng...
 Pananahimik sa twing inaasar sila o umiiwas/iniiba ang paksa ng itinukso sa kanila
Di mo masasabi kung anong nasa utak o isip ng taong nananahimik. Maaaring napipikon na sila o di na lang nila pinapansin ang mga pang-aasar mo dahil para sa kanya, alang kakwenta kwenta ang mga pang-aasar mo.

Pwede ring binibigay nya lang kung anong kaligayahan mo. Kung masaya ka at satisfied ka sa pang-aasar sa kanya, hinahayaan nya na lang na asarin mo sya dahil maaaring para sa kanya, mapapagod ka rin naman sa pang-aasar sa kanya.


 kapag ibinabalik ang pang-aasar
Minsan sa mga taong nang-aasar, karamihan mga sa-la sa init at sa-la sa lamig. Kapag nananahimik ang taong inaasar nyo, sasabihin nyo “ay wala ka pala eh! Madali ka palang mapikon!” Kapag nakipag-asaran naman sa inyo, sasabihin nyo naman “Ai di ka naman napipikon nyan?”. Nakahit para sa kanya, di naman sya apektado. Haaayyy...

Eh mga kapatid, saan ba dapat lulugar ang taong inaasar? Bilang taong malakas mang-asar pano nyo sinasabing asar na nga ang isang taong inaasar nyo? Ang hirap di ba?


 nagagalit kapag tinutukso sila
Eto, sori sa mga inaasar pero wala na kasi kayong kawala dito. Kapag nagalit na ang taong inaasar, maging sensitive naman sana ung taong nang-aasar! Kasi ibig sabihin asar na yung taong inaasar nyo! Manahimik ka na lang kung nagsalita na ng di maganda yung taong inaasar nyo.

 umaalis kapag inaasar / tinutukso sila
Malay nyo, may pupuntahan lang talaga o kaya wiwingwiwi na sya... Case to case kasi yan eh. Tingnan nyo muna kung ano talagang dahilan kung bakit umalis ung taong inaasar nyo.

 nagtataas ng boses kapag napag-uusapan ang mga kuwentong pang-asar sa kanila
Asar na nga sya. Sa taong inaasar kasi kapag nagtaas ka na ng boses ibig sabihin apektado ka na sa pang-aasar nila. Kapag ganyan na ang pangyayari, yung mga taong nang-aasar, manahimik ka na.

 sumasagot ng ganito kapag sinasabihan na napipikon na: “hindi ‘no… hindi ako pikon / napipikon!!!”
hindi lahat ng taong inaasar na kapag sumagot ng ganyan, eh pikon na. Maaaring nag-eenjoy lang sila sa pang-aasar nyo o kaya, talagang hindi sya pikon, malapit palang mapikon.


Kaya ko naman na bring out ang usapin tungkol sa paksang ito dahil may pangyayari kagabing ako ang pinagkatuwaan nila.

7 kami sa kwarto, 4 sa kanila panay ang pang-aasar at 2 sa kanila, nakikinig lang sa asaran.

Bumili kasi ako noong isang araw ng pangwax (teka, para malinaw sa inyong lahat, ang wax na tinutukoy ko eh yung ginagamit pantangal ng buhok sa underarm, baka kasi isipin nyo yung wax na para sa buhok natin sa ulo, ewan ko rin kung meron ding ganon, yun eh ayon lang naman sa kasama kong ganon ang pagkakaintindi) sa Citicenter. Dahil sa kagustuhan kong makatipid, sa halip na pumunta ako sa salon para magpawax ng kilikili ko, bumili na lang ako noon para sa bahay ko na lang gagawin.

So kagabi, sinabihan ko ang aking kabiyak na tulungan ako sa gagawin ko. Syempre, kapag magbubunot ka ng buhok mo sa kilikili ng maramihan, mas prefer mo yung iba ang hihila non para sayo, kasi kung ikaw ang hihila, makokontrol mo pa ang sarili mong wag masaktan at baka masayang pa o mas lalo kang masaktan sa gagawin mo.

Kagabi, nung makita ng isang kasamahan ko sa kwarto ang gagawin ko, sinimulan na niya ang pang-aasar hanggang sa sinundan na ng lahat ang asaran. Tutal para sa akin, normal na ang mga ganong pangyayari sa bahay dahil wala naman silang ibang inaasar don kundi ako lang, kaya wala ng dating sa akin yung mga pang-aasar nila.

Yung totoo, hindi ako naaasar sa mga pang-aasar nila. Gaya ng sinabi ko, kaligayahan nilang asarin ako, kaya ok lang dahil alam kong mapapagod din sila sa pang-aasar.

At dahil sa may nakikinig sa mga pang-aasar nila, yung isang nakikinig eh di na napigilang magtanong. Sumagot yung isa na kung saan sa tono ng pagkasagot nya eh doon ako naasar!

Para kasi sa akin, pinangungunahan mo ko sa sagot ko eh hindi mo naman pala alam kung bakit.. Parang sasagot sagot ka mali naman ung sagot mo...

Parang ganito:
Si nakikinig: talaga bang mahaba yung buhok mo sa kilikili kase grabe yung mga pang-aasar nila.

Si sumagot: Eh pano pinabayaan kaya humaba ng ganyan yan! (di ko na matandaan kung yan nga ung saktong sinabi nya basta ang alam ko nalalapit sa ganyang salita).

Syempre yung iba, kahit di nila nakita at dahil nagsalita yung isang nakakita, syempre, mas lalong tumaas ang momentum ng asaran.

Habang patuloy sila sa pang-aasar, bilang sagot ko sa taong nagtanong sa akin, sinabi ko na dapat kasi sa salon ako magpapawax at required nila ang mahaba ang buhok sa kilikili para mas madaling makuha o kumapit kaya ko pinahaba dahil kung maiksi ung buhok mo sa kilikili, baka pauwiin ka na lang noong taong magwawax sayo sa salon, na sinigundahan naman nung isa pang taong nakikinig na sa wari ko’y nagpapawax din.

Di nagtagal nawala rin ang asaran. Ewan ko kung pano, bigla na lang kasi silang nanahimik. Wala naman kasi akong paki-alam sa mga pinagsasabi nila eh dahil busy ako sa ginagawa ko!

Realization: Hindi naman masama kung sabihin mo o ilabas mo kung anong nararamdaman mo sa mga pang-aasar na ginagawa sayo, kaya lang minsan, kailangan mo ring kontrolin ang sarili mo dahil baka ikaw naman ang may masaktan. At sa mga taong malakas mang-asar, minsan, kailangan maging sensitibo ka rin naman sa mga binibitawan mong salita, baka kasi mamaya, below the belt ka na sa pang-aasar o kaya maling impormasyon na pala ang nasasabi mo, kung ikaw rin naman siguro ang nasa kalagayan ng inaasar, maiinis o maasar ka rin naman kung aasarin ka na lang, mali pang pang-aasar ang ginagawa sayo.