Ginulong Mundong Nananahimik!

Pasado alas diyes na ng gabi nang ang aking isipa'y mapunta sa kawalan.
Nakatingin sa malayo at tila wala ng paki-alam sa aking kapaligiran.
Ilang buwan na ang nakalipas at ilang taon na rin ang nagdaan.
Sa di ko malamang dahilan, muli ka na namang nagparamdam!

Bakit ka pa nagbalik sa mundong iyo nang tinalikuran?
Sa anong dahilan para ako'y iyong muling balikan?
Tahimik at payapa ang mundong aking ginagalawan.

Masaya't maayos na ang buhay kong iyong sinayang.

Tama na.
Huli na.
Wag nang magpaliwanag pa.
Wala na rin namang magagawa ang mga salitang sa iyo magmumula.

Mahirap bang intindihing masaya ako sa kanyang piling?
Mahirap bang gawin na ako’y iyo ng patahimikin?
Paki-usap ko lang sayo ako’y wag ng guluhin.
Nang ako’y manubalik sa mundong SYA ang aking kapiling.