LO BAT lang pala! BOG!

Oo! Tama kayo sa nabasa nyo! LO BAT lang ang mga hibang kaya natahimik na sila noong magsimula ang household namin hanggang matapos dahil kahapon (Friday), sa Cluster Assembly ng SFC sa Traders Hotel, nagpatuloy ang kahibangan nila! But this time, di na sila nag-iingles! Tingin ko, hindi sila fully charged kaya kulang ang kahibangan nila kagabi.

During the programme, ang 3 ay pigil na pigil sa kadahilanang may mga titos at titas at ang isa naman ay kasama ang fiancé kaya kontrolado pa nila ang kanilang mga sarili. Nang matapos ang program, pakiramdam ko kasi maaga pa at talagang gutom na gutom ako, nag-aya akong magbonding ang household namin. Di man kami kumpleto, natuloy pa rin kami sa pagba-bonding.

Mga tauhan:
Daddy Michael and Mommy Jho (Hibang no. 4)
Hibang 1 and Hibang 2 (Ate G at Lei)
G and ako
Hibang 3 (Lee)

1st Sequence:
Location: Sa loob ng sasakyan ni Daddy Michael
Scenario: Interview with Asaran!

Sa kadahilanang ang biglaang pagplaplano naming magbonding ay kasabay pala ng isang okasyon na naging dahilan para magkaron ng tanungan at asaran! (Hindi ko maikwento ng buo dahil baka may mga taong hindi maintindihan ang kwento at mabasa pa nila ito sa maling paraan, kaya sa mga taong kasama ko sa loob ng sasakyan ni Daddy Michael, tayo na lang ang magtawanan at mag-asaran!). Namumuno sa usaping ito, si Hibang No. 1!

2nd Sequence:
Location: Burger King, Al Riqqa
Scenario: Continuation ng asaran!

Habang hinihintay namin si Hibang No. 3 sa nasabing lokasyon, ang dalawang hibang (1 and 2) ay nanahimik muna pansamantala sa kadahilanang silay kumakain! Pero sadya talagang malakas ang epekto ng underlivered kfc kaya kahit kumakain ay patuloy pa rin sa pang-aasar! (Di ko pa rin talaga ma-ikwento sa parehas na dahilan!)

3rd Sequence:
Location: Dunkin Donut – Baskin Robin, Al Riqqa
Scenario: Magbalik tanaw, magplano at Hulaan mo ‘to!

Pagkatapos naming yanigin ang Burger King, Al Riqqa dahil sa kaingayan namin (ay! Nila lang pala dahil hindi naman ako nakikigulo dahil sa ako’y nagko-concentrate sa aking pagkain), napagdesisyunan naming mag-coffee sa lokasyong nabanggit at dito ipagpatuloy ang pag-iingay!

Gaya ng nabanggit na scenario, kami’y nagbalik tanaw tungkol sa mga pangyayari noong SWR, sa Traders at sa Burger King. Matapos ang pagbabalik tanaw, nagsimula kaming pag-usapan ang planong pagpapakasal nila Daddy Michael at Mommy Jho, at ng matapos ang pagpla-plano, muli na naman kaming nagbalik tanaw sa mga nakaraang kalokohan namin na unti unting naging dahilan para mahawa ako ng "konting" kahibangan nila.

Bumangka ang isang hibang (this time, hulaan nyo na lang kung sino sa mga hibang na nasa kwento ko ang tinutukoy ko dahil ayoko ng banggitin kung sinong hibang ito).

Daming kwentong nailabas ni Bangkang Hibang na napag-usapan at kahit ang iba doon ay di na namin alam (Daddy Mike, ako at si G). Pero si Bangkang Hibang, galing magdala! Panay ang kwento at tawa ng malakas hanggang sa isang malakas na BOG na lang ang narinig namin! Si Bangkang Hibang, natahimik! Sa sobrang kagalakan, nauntog pala si Bangkang Hibang sa pader!

Ang akala ng lahat, kahoy lang ang pader pero ng katukin ng isa pang hibang, ang pader, isa pala itong BATO!

Isipin nyo na lang na ang malakas na BOG na narinig namin na nagmula kay Bangkang Hibang ay sa PADER NA BATO pala nagmula! Kaya pala natahimik si Bangkang Hibang sa kadahilanang masakit sakit din ang pagkakauntog nito sa PADER NA BATO!

PERO ALAM NYO BA?!!! Kahit ang Pader na Bato ay di nakapigil kay Bangkang Hibang para manahimik! Nagpatuloy pa rin sa pamamangka si Bangkang Hibang na ikinaingay ng lahat. Hanggang pag-uwi! Bumabangka pa rin si Bangkang Hibang! Natahimik na lang ng makarating na sa bahay at ihimlay ang sarili.

Sana nga, ngayong araw na ito, bumalik na si Bangkang Hibang sa normal.